IN REPLY TO WWW.XANGA.COM/KAAAMFUNG
CLICK HERE 有D野我唔解釋 係因為我覺得無咁既必要 要點諗 隨便你 只係人地唔反駁你 唔好自以為自己啱哂 而出口傷人... 第一 朋友係重要 但係識朋友都要分清楚邊D朋友係應該識 邊D朋友係唔應該識... 近朱者赤 近墨者黑 有個人又食煙又吸毒 我唔覺得你會蠢到仲要痴埋去... 如果你覺得個女仔本身已經係咁既人 得罪講句 你令我覺得你好無知 我會比較建議你嘗試了解一下個事實 再去發表你既「有感而發」... 而我並唔覺得你了解我既女朋友會多過我了解佢... 其實都唔駛講D咩 單憑你一句「性話題開放既人」 我已經足以了解你知道既事係幾咁表面... 性話題開放 只係局限於說話既層面上面 如果你果個既「好朋友」只係一個咁既人 我唔會咁大反應 只係我想講 我知道既事比你多好多... 某個人為左D咩野而拍拖 我無從定斷 但係佢既思想行為 就令到我覺得自己好孤陋寡聞... AT LEAST 我從來都未識過一個女仔 佢可以去到一個地步 會令我見到佢都會想作嘔... 只係我想講 如果拍拖要拍到咁樣既話 我覺得你唔應該選擇去拍拖 呢個世界仲有好多更方便直接既方法... 某個人佢既為人係點 作為朋友 我唔會去干涉 但係佢唔好主動 並且刻意令到佢身邊既人都係咁... 人地拍拖第一次出街 第二次出街 就會做D咩野 係佢自己既事 但係有人自以為係專家 而去教其他人拍拖既行為 再加上佢依家影響既係我身邊既人 我並唔覺得我可以坐視不理... 更值得一提既係 有人甚至會以新文化 新思想 作為自己做既一切既藉口 並將一切歸咎於社會思想開放 而去理直氣壯咁樣抵毀其他人... 我諗 如果要我變成佢咁樣 我會寧願選擇做佢所謂既「未進化」... 或者 有人自以為呢個世界既人全部都係咁樣 每個人都係佢口中所謂既「成年人」... 同埋我想講 如果我要講你果位「好朋友」既事蹟同埋偉論 仲有好多可以講 會更加過火 更加離譜 只係你一無所知... 而我亦都無諗過我上面講緊既會係一個女仔 我仲當佢係一個女仔 我已經好俾面佢... 我建議你 了解成件事既來龍去墨之前 唔好咁肯定去判斷成件事既是非黑白 你無咁既能力 亦都無咁既資格... 第二 我唔開心 想自己靜下 係我自己既事 我有我既原因 關於我地之間既問題 我覺得我無必要去同你解釋咁多... 你要點諗 要當我發癲又好 當我咩都好 我並唔會介意 我亦都無必要係你面前扮到咩事都無 好開心咁樣 AT LEAST我唔會影響到你... 第三 我從來都無諗過要令到自己既女朋友 以及我自己同其他人既關係咁惡劣... 由始至終 我希望自己女朋友疏遠既只有某個人 如果你要認為咁樣做係出賣友誼既話 我建議你應該去提醒一下你果位既「好朋友」 嘗試去檢討一下自己先... 如果有心做朋友既 我無任歡迎... 只係 對於果堆以利益 感情為依歸 暗地裡歪曲哂是非黑白 之後仲要反過黎惡意中傷他人既人 唔好意思 我無意做朋友 況且呢D朋友 我並唔需要... 最後我想講 如果你果位既「好朋友」係咁「寬宏大量」既話 我並唔相信你今日會企係度 理直氣壯咁樣鬧我「無理取鬧」... | 